Finala ganean dogu daborduko eta bihar, abenduak 11, finalisten prentsaurrekoa egingo dogu Miribillako Bilbao Arenan bertan. Finalaren ganeko informazinoa emon eta txapel emoilea nor izango dan argituko dogu besteak beste.
Gogoratu zapaturako sarrerak aurretiaz erosteko aukerea dozuela www.bertsosarrerak.eu webgunean.
Arazoak konponduta, martxan dogu barriro ere www.bertsosarrerak.eu. Gernika-Lumoko finalaurreko sarrerak bakarrik ez finaleko sarrerak ere aurretiaz erosteko aukerea dozue bertan.
Badoa apurka apurka Bizkaiko Bertsolari Txapelketa amaierara ailegetan. Bai, ganean dogu daborduko finala eta datorren domekan, abenduaren 2an, jakingo dogu zein zortzi bertsolarik abestuko daben Miribillako Bilbao Arenan. Hirugarren eta azken finalaurrea Gernika-Lumoko Jai Alai pilotalekuan izango da, 17:30ean. Oholtza ganean sei bertsolari: Miren Amuriza, Peio Ormazabal eta Beñat Ugartetxea 2010ko finalistak, Iratxe Ibarra Berriatuko kanporaketako irabazlea, Ibon Ajuria Balmasedako saioko irabazlea eta puntuen arabera sailkatu dan Joseba Artza. Gai emole lanetan, ostera, Maite Berriozabal.
Sarrerak aurretiaz erosi ez dozuezanok jakin egunean bertan be izango dirala lehiatilean.
Badator bigarren finalaurrea be. Datorren domekan, azaroaren 25ean, izango da Durangoko Landako Gunean, 17:30etan. Etxahun Lekue eta Jone Uria 2010ko finalistekaz batera, Fredi Paia Mungiako kanporaketako irabazlea, Igor Elortza Sopelako kanporaketako irabazlea eta Bizkaiko Txapeldun ohia eta puntuazinoaren arabera sailkatu diran Gorka Ostolaza eta Arrate Illaro izango dira kantuan. Gai-emole lanetan, ostera, Leire Bilbao.
Saioko irabazleak finalerako zuzeneko txartela lortuko dau eta gainontzekoek lortutako puntuazinoaren arabera izango dabe aukerea. Gogoratu finalerako sarrerak daborduko salgai dagozala www.bertsosarrerak.eu webgunean.
Atsedenaren ostean bueltan dator Bizkaiko Bertsolari Txapelketa, fase barriari ekiteko prest. Basaurin izango da lehenengo finalaurrea, bertako kiroldegian, 17:30etan. Kantuan sei bertsolari. Arkaitz Estiballes 2010ko Bizkaiko Txapelduna, Onintza Enbeita eta Eneko Abasolo “Abarkas” 2010ko finalistak, Zornotzako kanporaketa irabazi eban Oihana Bartra eta puntuazinori esker sailkatu diran Gorka Lazkano eta Iñaki Iturriotz. Leire Aurrekoetxea izango dabe gidari saioan.
Gogoratu sarrerak aurretiaz erosteko aukerea dozuela www.bertsosarrerak.eu webgunean. Bardin beste finalaurre bietakoak eta finalekoak be.
Abenduaren 15ean Bizkaiko Bertsolari Txapelketako finalerako sarrera parea irabazi gura dozu? Eta txapelketako beren beregi ataratako 4 GB-ko USB edo pendrive-a? Bada nahikoa dozu klik egin eta argazki lehiaketan parte hartutea.
Gaur hasi eta abenduaren 3ra bitartean egongo da argazkiak bidalduteko aukerea eta gaia BaDaGaRa izango da. Ez dira derrigorrez txapelketeagaz lotutako argazkiak izan behar, baina bai Bizkaiko bertsolaritzagaz lotutakoak.
Argazkiak bizkaikotxapelketa@bertsozale.com helbidera bialdu zuen izen-abizenekaz, argazkiaren nondik norakoekaz eta zuekin harremanetan jarteko datuekaz edota ostantzean txapelketako facebook orrian argitaratu.
Argazkiak Bizkaiko Bertsozale Elkartearen esku geratuko dira, hala erabagiz gero argitaratu edo erabilteko. Hori bai, egilearen izenagaz argitarauko dira argitaratutekotan. Eta hala gordeko dira Xenpelar Dokumentazio Zentroan. Animau eta egin klik!
Kanporaketa saioetarako jolas edo lehiaketa bat ipini dogu martxan. Scrabble jokoa hain zuzen be. Badagara berbagaz hasita kanporaketaz kanporaketa berbak osotuten joan behar izan dabe lehiakideek poltsa batetik ataratako zazpi fitxakaz. Beti be aurreko berbakaz lotuta.
Kanporaketa fasearen amaieran punturik gehien batu dauanak irabazi dau, Sodupeko Maiderrek hain zuzen be. Maiderrek Bizkaiko Bertsolari Txapelketako finalerako sarrera bi jasoko dauz sari moduan.
