Moises Enbeitak Plazatik
1.- Gure Bizkaian maiatza loran,
kimu barriak jostari; (bis)
zozokumiak, lumaz jantzita,
nausien pare kantari. (bis)
2.-Bi mila eta hamabikoa
txapelketaren urtie;
miru zuriak erpeak zorrotz,
dar-dar oilanda gaztie.
3.- Aramotzetik Solluberaino,
mendirik mendi, aidien;
edo Leatik Kadaguara,
urak eindako bidien.
4- Bizkaiko plazan bertsoa saltsan,
neska-mutilek kantuen.
Eztarrirako ardau gargarak,
etxauk hobarik munduen.
5.- Plazarik plaza txapela dantzan,
ehunbat buru inguruen.
Gaurko gaztiek oinak arinak,
baina txoriek buruen.
6.- Hego-Uribe, Uribe-Kosta
edo Uribe-Butroe:
ogi haundia zatitutea
erreza dala dinoe.
7.- Enkarterriak, Durangaldea,
Arrati, Lea-Artibai.
Ai ene bada! ez daigun ahaztu,
Busturialdea ere bai.
8.- Enkarterrian biztu zan sua,
ilusinoak ganezka.
Balantza ondo orekatua:
hiru mutil, hiru neska.
9.- Hego-Uriben neska bakarra,
baina ez zan ez kikildu.
Hazia erein egin behar da,
nahi bada garia bildu.
10.- Durangaldean sei zekor lehian,
apari osteko dema;
Abadinoko probalekua
berebiziko eszena.
11.- Euki eikean basurde antza,
izan eiteken gogorra,
baina txikerra, ez zan txikerra,
Arratiako zekorra!
12.- Gorbeapetik itsas ertzera,
Ondarrun Lea-Artibai!:
batak besteai txapela kentzen
hemen artistak dira, bai.
13.- Kostarik kosta, Uribe-Kostan
arraun finena Illaro,
honek txapela jantziko leuke,
galdu ezean, urtaro!
14.- Neska-mutilen arteko lehia
Uribe-Butroekoa,
butroiagaz nok nor menperatu,
arrantza ikustekoa!
15.- “Aitte San Migel” liga jokoan,
Bermion hor sei traineru;
ikasle finak maisu jaunari
hartu dautsa errelebu
- … -
Eskualdeka gertau zanaren
laburpen labur-laburre.
Bizkaikorako, astie dau ta,
buruz ikasi agurre!!!
Doinua: “Aitte San Migel Ixorretako…”
Josu Bergara kantautoreak Gernika-Lumoko Plazatik
